Këngëtari i njohur serb i turbo-folkut, Aca Lukas, mbrëmë ishte i ftuar në një lokal të njohur në Kavadar, por performanca që kishte filluar u ndërpre papritmas rreth mesnatës.
Sipas dëshmive të të pranishmëve, të publikuara nga disa portale, policia ka hyrë në objekt dhe e ka ndërprerë programin.
– Atmosfera ishte super, derisa Lukas ndërpreu këngën në mes. Nuk e kuptuam menjëherë çfarë po ndodhte, pastaj pamë se kishin ardhur zyrtarë të policisë – tregojnë mysafirë për „Vikimedia“.
Sipas tyre, këngëtari është ankuar shkurtimisht dhe është fjalosur me zyrtarët, pas së cilës është larguar së bashku me ta.
Publiku ka pritur rreth gjysmë ore që ai të kthehej sërish në skenë, por nga organizatorët është njoftuar se Lukas është dërguar në stacion policor.
Nga institucionet kompetente priten informata zyrtare për arsyet e intervenimit.
Aca Lukas, përndryshe, ka paralajmëruar një koncert të madh në Shkup, i cili duhet të mbahet më 20 dhjetor në Arenën “Jane Sandanski”.
