Kuzhinieri ekscentrik turk dhe sensacioni i internetit, Nusret Gökçe, i njohur botërisht si Salt Bae, ka ndarë së fundmi një video ku shihet i ulur pranë Luka Modrićit, në një ambient luksoz e komod.
Të dy shfaqen duke biseduar dhe qeshur, edhe pse muzika turke në sfond nuk lejon të kuptohet se për çfarë po flisnin.
Salt Bae ka shkruar shkurt në përshkrimin e videos: “Ja dhe unë me vëllain tim”, duke zgjedhur pikërisht gjuhën kroate për ta shoqëruar postimin.
Në komente, shumë ndjekës kroatë kanë përgëzuar Modrićin me komente si: “Krenaria jonë, Luka”, apo “Luka Modrić – njeri i madh dhe i thjeshtë në madhështinë e tij”.
Ky nuk është takimi i parë mes tyre i ndarë publikisht. Vetëm katër javë më parë, Salt Bae kishte postuar një video të ngjashme me kapitenin e Kroacisë, duke treguar se raporti mes tyre është i ngrohtë dhe miqësor. Kuzhinieri turk njihet për shoqërimin e shpeshtë me sportistë dhe figura të njohura.
Salt Bae u bë i famshëm globalisht në vitin 2017, pasi videoja e tij “Ottoman Steak”, ku ai kripos mishin me lëvizjen e tij ikonike të dorës, u bë virale duke mbledhur mbi 17 milionë shikime. Aty lindi edhe pseudonimi që e shoqëron sot: “Kasapi më seksi në Instagram”.
