Katastrofa ekologjike që ndodhi në lumin Vardar është rezultat i deponive të egra dhe qytetarëve të pakujdesshëm, thonë nga Inspektorati për Mjedis. Mijëra shishe plastike u derdhën dje në Vardar. Inspektorati njoftoi policinë dhe është ngritur kallëzim penal. Nga komuna e Jagunovcës thonë se kanë vendosur 10–15 kamera sigurie në pika kritike për të reduktuar deponitë e egra. Reaguan edhe ekologët, të cilët kërkojnë përgjegjësi dhe më shumë kujdes të qytetarëve ndaj mjedisit.
