Kryetari i KSHZ, Boris Kondarko sot njoftoi se procesi zgjedhor në vend ka filluar në kohë dhe po zhvillohet pa pengesa, shkruan Telegrafi Maqedoni.
Kondarko në konferencën e sotme për shtyp njoftoi se dalja deri në orën 09:15 është 3%.
Sipas komunave në Manastir ka pasur dalje 3.38%, Bogdanci 4.68%, Bogovinë 1.29%, Butel, 3.63%, Vrapçisht 0.87%, Gostivar 1.71%, Kërçovë-2.35%, Likovë 2.2%, Saraj 2.46%, Studeniçan 1.85, Tearcë 1.90%, Tetovë 2.08%
Ai tha se në dy vendvotime janë regjistruar dy probleme teknike, një në Kumanovë dhe një Shtip, mirëpo procesi i votimit ka vazhduar.
Ai tha se dje votimi është kryer në burgje dhe në shtëpitë e kujdesit, rezultati i të cilëve do të publikohet pas mbylljes së procesit zgjedhor të sotëm.
