S’ka të mbijetuar pas shpërthimit në një fabrikë eksplozivësh në Tenesi
Gjashtëmbëdhjetë personat e zhdukur pas një shpërthimi të madh në një fabrikë municionesh në Tenesi të premten supozohet të jenë të vdekur, sipas sherifit.
Ekipet e shpëtimit kishin shpresuar të gjenin ndonjë nga të zhdukurit gjallë, që nga mbrëmja e së shtunës “është e sigurt” të supozohet se ata janë të vdekur, tha sherifi i qarkut Humphreys, Chris Davis.
Autoritetet fillimisht kishin frikë se 18 persona kishin vdekur, por dy persona që besohet se ishin të pranishëm gjatë shpërthimit në të vërtetë nuk ishin në vendngjarje dhe janë gjetur, sipas Davis.
Është ende e paqartë se çfarë e shkaktoi shpërthimin në fabrikën e eksplozivëve në Bucksnort, Tenesi – afërsisht 90 km në jugperëndim të Nashville.
Pamjet treguan zjarre që ende digjeshin, automjete të djegura dhe tym që ngrihej nga ndërtesa e rrënuar në objekt, i cili specializohet në zhvillimin dhe prodhimin e eksplozivëve.
