Kryetari i Kuvendit, Afrim Gashi ka njoftuar se mbrëmë ka marrë pjesë në ngjarjen kulturore Skupi Festival 2025.
“Mbrëmë pata nderin të jem pjesë e SkupiFestival 2025, një ngjarje e rëndësishme kulturore që i jep shpirt bashkëpunimit rajonal përmes artit skenik. Përgëzoj nga zemra artistët, regjisorët dhe organizatorët për pasionin dhe profesionalizmin që sollën në Shkup.
Kultura është diplomaci e heshtur, por me ndikim të fuqishëm. Mbështetja ime për artin dhe shkëmbimin kulturor mbetet e palëkundur!”, ka shkruar Gashi.
