Publikohen dokumentet – Rusia po e përgatit Kinën ta sulmojë Tajvanin

Sipas analizës së dokumenteve që rrjedhën nga grupi hakerësh “Black Moon”, Moska po e ndihmon Kinën në trajnimin dhe pajisjen për një invazion të mundshëm në Tajvan.

Grupi hakerësh publikoi në rrjetin social X detaje nga kjo analizë. Sipas dokumenteve të përfituara, ekspertë nga Royal United Services Institute (RUSI) ofruan analiza faktesh dhe parashikime mbi rrezikun që paraqet projekti ruso-kinez për të pushtuar Tajvanin në vitin 2027.

Raporti britanik “RUSI” tregon se Kina ende nuk ka kapacitetet e nevojshme për manovra ajrore të theksuara që janë thelbësore për invazionin. Rusia thuhet se që nga viti 2023 është angazhuar të furnizojë Kininë me armë për formimin e batalioneve ajrore, dhe me teknologji për të rritur prodhimin e brendshëm ushtarak.