Pas më shumë se 24 orësh, ish-ministri i Punëve të Jashtme vazhdon të heshtje lidhur me rastin e furnizimit të dyshimtë me automjete gjatë organizimit të Këshillit Ministror të OSBE-së në Shkup, në dhjetor të vitit të kaluar. Qytetarët kanë kërkuar përgjigje për zhduken e 700 mijë eurove që sipas tyre janë shfrytëzuar në mënyrë të paligjshme në këtë operacion.
Sipas detajeve të disponueshme, Ministria e Punëve të Jashtme gjatë kohës kur drejtohej nga Osmani, kishte lidhur një kontratë me vlerë prej rreth 56.640.000 denarësh për marrjen me qira të automjeteve për një konference dyditore. Çmimet e tyre ishin shumë më të larta sesa ofertat e mëhershme të likuidshme të së njëjtës kompani, që vetëm një muaj më parë kishte ofruar automjete të njëjtë për çmime tri herë më të ulëta për nevojat e përditshme të MPJ-së.
Ndërsa automjetet VIP për konferencën ndërkombëtare kushtonin 29,000 denarë në ditë, automjetet e klasës së mesme për shfrytëzim të zakonshëm ofroheshin për vetëm 23,000 denarë, dhe automjetet 8+1 pa TVSH për 19,200 denarë, ndërsa në sezonin e mëhershëm çmimi për të njëjtën makinë ishte vetëm 9,500 denarë.
Pyetja që shtrohet është e thjeshtë: Kush e përfitoi dallimin prej rreth 700 mijë eurosh? A u përvetësuan këto para dhe ku përfunduan? Ky nuk është thjesht gabim administrativ, por një skemë e pastër korrupsioni, që nuk ka pasur mekanizma kontrolli të brendshëm për të verifikuar përdorimin real të automjeteve, kohëzgjatjen e angazhimit dhe llojin e tyre.
Enti Shtetëror i Revizionit ka konstatuar parregullsi serioze, ndërkohë që lënda është në dorë të Prokurorisë së Përgjithshme. Por qytetarët kërkojnë përgjigje urgjente për këtë rast, duke theksuar rëndësinë e transparencës si detyrim i çdo institucioni publik.
Arbër Kadriu nga VLEN-Çair e quan këtë skemë “të pastër korrupsioni” dhe i bën thirrje institucioneve që të ndërmarrin veprime për të zbuluar të gjithë aktivitetin e dyshimtë përpara se ky rast të mbulohet nga heshtja dhe mungesa e përgjegjësisë.
Qytetarët qytetërorë nuk do të lejojnë më të tolerojnë kulturën e mosllogaridhënies dhe kërkojnë që përgjigjet ndaj kësaj keqpërdorjeje të jepen sa më shpejt.
