Francesco Farioli ka njoftuar se do të largohet nga Ajax në fund të sezonit 2024-25, pas vetëm një viti në krye të gjigantëve holandezë.
Trajneri italian, e ka bërë të ditur vendimin e tij për klubin, stafin dhe lojtarët, ndërsa lajmi u konfirmua nga Ajax në një deklaratë zyrtare të hënën në mëngjes.
Farioli u shpreh se ai dhe klubi ndajnë një vizion të përbashkët për të ardhmen, por se kanë versione dhe afate të ndryshme për mënyrën se si të realizohen ato objektiva.
Farioli has decided to leave Ajax after careful consideration. The head coach has informed the club’s board of his decision.
Thanks for everything, Francesco! ♥️
— AFC Ajax (@AFCAjax) May 19, 2025
Ajax e mbylli sezonin me një fitore 2-0 ndaj FC Twente, falë golave të Jordan Henderson dhe Wout Weghorst, duke siguruar vendin e dytë në kampionat.
Skuadra përfundoi sezonin me 78 pikë, vetëm një më pak se kampionët e PSV Eindhoven, pas një gare të ngushtë deri në javën e fundit.
Megjithatë, humbja e epërsisë prej nëntë pikësh në pesë javët e fundit me rezultate të dobëta si humbjet 4-0 ndaj Utrecht e 0-3 nga NEC si dhe barazimet me Sparta Rotterdam e Groningen, ndikuan ndjeshëm në humbjen e titullit.
Francesco Farioli ❤️ pic.twitter.com/wdpaKIFrqL
— AFC Ajax (@AFCAjax) May 18, 2025
Pavarësisht zhgënjimit, vendi i dytë garanton rikthimin e Ajax në Ligën e Kampionëve për sezonin 2025-26, për herë të parë pas dy sezonesh mungesë.
Farioli shpërtheu në lot pas ndeshjes ndaj Twentes duke emocionuar të gjithë të pranishmit në stadium.
