Ben Affleck dhe Jennifer Garner u panë së bashku për Pashkë, ndërsa vazhdojnë të ruajnë një marrëdhënie të ngushtë si bashkëprindër, shtatë vjet pas ndarjes së tyre.
Aktorja u fotografua duke dalë nga shtëpia e Affleck në Brentwood, ndërsa djali i tyre Samuel, 13 vjeç, ndodhej në sediljen e përparme të makinës.
Më vonë gjatë ditës, Samuel u pa me Affleck duke blerë në World Market. Aktori mbante një çantë me dizajn shpirtëror, që përfshinte simbolin e kartës tarot “The Sun”, që përfaqëson suksesin dhe pozitivitetin.
Ai u shfaq i relaksuar në shoqërinë e të birit, të dy të veshur me bluza blu dhe syze dielli të ngjashme.
Affleck dhe Garner, të martuar nga viti 2005 deri në 2018, ndajnë edhe dy fëmijë të tjerë: Violet dhe Fin.
Kohët e fundit, Ben e vlerësoi ish-gruan si një partnere të shkëlqyer në prindërim gjatë një interviste me British GQ.
Së fundmi, marrëdhënia e tyre e afërt ka ngjallur diskutime, veçanërisht pas përqafimeve publike, që raportohet se kanë shqetësuar partnerin aktual të Garner, John Miller.
Burime të afërta thonë se Garner ende ndien për Affleck, por është e kujdesshme për të mos u lënduar sërish.
Ndërkohë, Affleck është divorcuar zyrtarisht nga Jennifer Lopez, pas martesës së tyre të shkurtë që përfundoi në fillim të këtij viti.
Thuhet se Garner ka luajtur rol mbështetës edhe gjatë kësaj periudhe të vështirë për ish-bashkëshortin e saj.
