Antonio Conte pranon se “shumë gjëra nuk mund të bëhen në Napoli”, duke ndezur thashethemet për largim pas vetëm tetë muajsh në klub.
Napoli do të vizitojë sot (e shtunë) Monzën në stadiumin U-Power, por dita e ndeshjes është mbizotëruar nga fjalët e Contes gjatë një konference për shtyp të premten para ndeshjes.
Trajneri italian u pyet se sa kohë do të duhej për të ndërtuar një Napoli konkurrues, por përgjigja e tij habiti tifozët dhe mediat.
“Shumë gjëra janë thënë në fillim të vitit, mund t’i konfirmoj disa, por jo”, ka thënë fillimisht Conte në konferencë shtypi.
“Unë nuk do të mohoj asgjë, por nuk ndihem rehat të konfirmoj gjithçka që thashë. Çështja me Kvara ishte e qartë. Thashë se Napoli nuk duhet të jetë thjesht një shkallare dhe nuk dua të dukem si gënjeshtar për gjërat që nuk ndodhën”.
“Në këta tetë muaj në Napoli, kam kuptuar se shumë gjëra thjesht nuk mund të bëhen”, përfundoi trajneri italian.
Conte është nën kontratë me Napolin deri në qershor 2027, por pretendimet e tij të fundit padyshim ndezën spekulime për transferimin.
Gazetat italiane të shtunën në mëngjes thanë se ish-trajneri i Juventusit dhe Interit i dërgoi një paralajmërim klubit.
Conte tashmë është lidhur me Milanin dhe Juventusin dhe shumë i shohin fjalët e tij si një mënyrë për t’u përgatitur për një largim gjatë verës nga Stadio Maradona.
Napoli i Contes është ende në garë për titullin e Serie A dhe ata kanë një shans për të kapur Interin në krye të tabelës sot kur ata vizitojnë Monzan.
