Kryetari i Kuvendit të Republikës së Maqedonisë së Veriut, Talat Xhaferi pritet që gjatë ditës të deklarohet për kërkesën për seancë urgjente në të cilën siç propozuan tridhjetë e pesë deputetë të cilët u nënshkruan në iniciativën e LSDM-së do të duhet të konfirmohen për shpalljen e gjendjes së jashtëzakonshme për shkak të Kovid-19. Xhaferi, sipas Rregullores dhe ligjeve, nuk ka afat as obligim që të përgjigjet në këtë kërkesë.
Në deklaratat e tija paraprake ai tha se Parlamenti nuk mund pas vetë shpërndarjes më 16 shkurt sërish të konvokohet. Prandaj, kërkesa e parë për vendosjen e gjendjes së jashtëzakonshme që deri tek ai e dorëzoi kryeministri Oliver Spasovski, ai nuk e ka përcjell deri tek deputetët, por menjëherë deri tek presidenti i shtetit Stevo Pendarovski, i cili e shpalli gjendjen e jashtëzakonshme. Për herë të dytë gjithashtu Pendarovski shpalli gjendje e të jashtëzakonshme.
Burime partiake thonë se gjithnjë më e sigurt është se Xhaferi nuk do të thirr seancë dhe se në atë rast duhet sa më shpejtë të shkohet në zgjedhje. Në një situatë të tillë për shkak të masave për parandalimin e përhapjes së koronavirusit, autoritetet shëndetësore janë ata të cilët duhet të japin përgjigje kur realisht do të mund të ketë zgjedhje.
Institucionet dhe shteti nuk mund të funksionojnë në këtë mënyrë, mendojnë kështu një pjesë e deputetëve me të cilët kemi biseduar, aq më shumë që Qeveria është teknike dhe është formuar për organizimin zgjedhjeve. Të drejtpërdrejtë janë se nënkryetarët e Kuvendit nuk mund të thirrin seancë, por i vetmi që mundet është Xhaferi dhe askush tjetër.
Tridhjetë e pesë deputetë të LSDM-së dhe kolegë të tyre nga PRSD, PLD, Aleanca për Shqiptarët, PDHS-ja, Besa, Alternativa dhe deputetë nga grupi i pavarur i deputetëve të VMRO-DPMNE-së deri tek Kuvendi dje kanë parashtruar kërkesë për thirrjen e seancës urgjente që të konfirmohen vendimet për shpalljen e gjendjes së jashtëzakonshme për shkak të pandemisë me Kovid-19 nga ana e presidentit të shtetit.
Ata kërkojnë në bazë të nenit 63 paragrafi 4 nga Kushtetuta, neni 15 paragrafi 4 nga Kodi penal, si dhe në bazë të neneve 67 dhe 68 paragrafi dy nga Rregullorja e Kuvendit nga kryetari i Kuvendit të thirr seancë urgjente kuvendore me dy pika të rendit të ditës edhe atë konfirmim të situatës së jashtëzakonshme në tërë territorin e shtetit nga 18 marsi dhe nga 16 prilli i këtij viti.
Interpretime të ndryshme të Rregullores, Kushtetutës dhe ligjeve
Nënkryetarja e Kuvendit Frosina Remenski nga LSDm-ja sot deklaroi se deputetët në këtë përbërje parlamentare kanë mandat deri tek verifikimi i mandatit në përbërjen e ardhshme të deputetëve.
“Mandati ynë zgjatë dhe krijuesi i Kushtetutës ka dhënë disa mundësi dhe situata juridike në të cilin rast edhe ashtu Kuvendi i shpërndarë të mblidhet dhe të sjell vendime në dobi të situatës në të cilën gjendet shtetit”, deklaroi për “Brifingun e mëngjesit” Frosina Remenski.
Deputetët sipas saj, kanë të drejtë legjitime të parashtrojnë iniciativa, ndërsa opinioni duhet të dijë për çka më saktë insistojnë deputetët.
Kryetari i Aleancës për Shqiptarët Zojadin Sela mendon se ekspertët duhet të tregojnë çka imponon Kushtetuta lidhur me iniciativën për konvokimin e Kuvendit.
“Ne si Aleancë e Shqiptarëve që para se të fillojë iniciativa për grumbullimin e nënshkrimeve që të thirret seancë e Kuvendit, një ditë më parë kisha deklaratë me të cilën paralajmërova iniciativë deri tek Gjykata kushtetuese për vendimin për gjendjen e jashtëzakonshme, ndërsa qëllimi ishte mbledhja e Kuvendit, para së gjithash nga aspekti procedural dhe të respektohet ajo që me Kushtetutë e organizojmë Maqedoninë si shtet. Kjo nuk është demokraci presidenciale, por parlamentare”, ka thënë Sela.
VMRO-DPMNE-ja dhe LSDM-ja paradite sërish përmes kumtesave i konfirmuan qëndrimet e konfirmuara.
LSDM-ja akuzon se opozita është e bllokuar në fazën antidemokratike dhe destruktive se për liderin e VMRO-DPMNE-së Hristijan Mickoski dhe për VMRO-DPMNE-në Kuvendi është armiku më i madh.
Për VMRO-DPMNE-në, megjithatë, vetëm 30 nga 120 deputetët e mbështesin luftën kundër kushtetues për karrige të liderit të LSDM-së Zoran Zaev. fb/
