Ambasadori gjerman në Kosovë, Jorn Rohde, arritjen e kamionëve ushtarakë gjerman për Forcën e Sigurisë së Kosovës e ka cilësuar si hap të parë drejt një pranie më ta madhe ushtarake në terren.
Rohde, përmes një postimi në platformën X, ka thënë se “Gjermania vazhdon të marrë përgjegjësinë brenda KFOR-it të NATO-s në Kosovë”.
“Si hap i parë drejt një pranie më të madhe ushtarake në terren, pionierë nga Bundeswehr mbërritën dje në Kosovë për të përgatitur terrenin për rritjen e sërishme të kontingjentit gjerman të KFOR-it”, ka shkruar ai, transmeton Telegrafi.
Kryeministri i Kosovës, Albin Kurti, duke komentuar pajisjen e FSK-së me kamionët ushtarakë nga Gjermania, ka thënë se modernizimi dhe fuqizimi i ushtrisë sonë, janë qenësore drejt objektivit për anëtarësim në NATO.
Germany🇩🇪 continues to assume responsibility within @NATO_KFOR in Kosovo🇽🇰.
As a first step towards more military presence on the ground, pioneers from @bundeswehrInfo arrived in Kosovo🇽🇰 yesterday to prepare the ground for the – again – growing German🇩🇪 KFOR contingent.
🇩🇪🤝🇽🇰 pic.twitter.com/xEnhPMB4nl— Ambassador Jörn Rohde (@GermanAmbKOS) March 12, 2024
“Kamionët ushtarakë RheinMetall MAN HX2 janë prodhim gjerman, ku nga 15 gjithsej, 10 janë blerë me buxhet të shtetit, ndërkaq pesë janë donacion”, ka shkruar Kurti, transmeton Telegrafi.
Ndërsa, ministri i Mbrojtjes, Ejup Maqedonci ka thënë se kamionët ushtarakë të prodhimit gjerman “RheinMetall MAN HX2, 8×8”, të cilët i janë shtuar arsenalit të ushtrisë kosovare janë ndër më modernët.
Disa prej kamionëve të tillë janë blerë nga Qeveria e disa janë pranuar si donacion.
Këta kamionë ushtarakë, siç thotë Maqedonci janë multifunksional dhe të dizajnuar për operacione logjistike e taktike.
