Jose Mourinho arriti paraqitjen e tij të 100-të në stolin e Romës këtë mbrëmje në një udhëtim në Serie A ndaj Atalanta.
Trajneri portugez mori drejtimin e Romës në verën e vitit 2021 dhe fitoi Europa Conference League në sezonin e tij debutues, përcjellë lajmi.net.
Ai tani i ka çuar ata në gjysmëfinale të Ligës së Evropës, si dhe ka sfiduar për një përfundim në top katërshe në Serie A këtë sezon.
Në 99 ndeshje konkurruese në stol, Mourinho ka arritur 53 fitore, 19 barazime dhe 27 humbje, mesatarisht 1.80 pikë për lojë.
Skuadra e tij shënoi 158 gola dhe pranoi vetëm 100 në ato 99 ndeshje.
‘Special One’ erdhi te Roma pas përvojave në Benfica, Leiria, FC Porto, Chelsea, Inter, Real Madrid, Manchester United dhe Tottenham Hotspur.
