Sipas ‘La Gazzetta dello Sport’, Paul Pogba dhe Leonardo Bonucci u stërvitën me pjesën tjetër të grupit sot dhe mund të jenë në dispozicion kundër Lazios të shtunën.
‘Bianconerët’ u rikthyen në stërvitje të mërkurën, pas barazimit 1-1 kundër Interit në ndeshjen e parë gjysmëfinale të Kupës së Italisë.
Sipas ‘La Gazzetta dello Sport’, të dy Pogba dhe Bonucci iu bashkuan skuadrës për seancën stërvitore, transmeton lajmi.net.
Dyshja mund të jetë e disponueshme kundër Lazios në ‘Stadio Olimpico’ të shtunën, që do të thotë se Massimiliano Allegri do të ketë të gjithë skuadrën në dispozicion për herë të parë këtë sezon.
Pogba ka luajtur vetëm 34 minuta në dy ndeshje këtë sezon, ndërsa Bonucci bëri 21 paraqitje konkurruese, duke shënuar dy gola.
Italiani luajti ndeshjen e fundit më 12 mars kundër Sampdorias në ‘Allianz Stadium’.
Juventus – Lazio zhvillohet më tetë prill, nga ora 20:45.
