Qeveria e Çekisë ka marrë vendim për karantinë në të gjithë territorin e vendit për shkak të koronavirusit të ri (Covid-19).
Kryeministri çek, Andrej Babis zhvilloi konferencë për media pas një takimi të jashtëzakonshëm të kabinetit.
Babis tha se karantina do të vendoset në të gjithë vendin deri më 24 mars për të parandaluar përhapjen e virusit.
Ai tha se qytetarët mund të dalin vetëm për të shkuar në punë dhe spitale ose për të blerë nevoja themelore.
Ndërkohë, ministri i Shëndetësisë, Adam Vojtech tha se numri i rasteve të konfirmuara në vend është rritur në 239.
Republika e Çekisë shpalli gjendje të jashtëzakonshme më 12 mars për të parandaluar përhapjen e virusit.
Pas shfaqjes së koronavirusit në Wuhan, dhjetorin e kaluar, virusi i njohur zyrtarisht si Covid-19, është përhapur në të paktën 141 vende dhe territore.
Kryeministri i Libanit, Hassan Diab shpalli sot gjendje të jashtëzakonshme në vend për shkak të shpërthimit të koronavirusit të ri (Covid-19).
Diab njoftoi masën pas takimit të kryesuar nga presidenti Michel Aoun për të diskutuar masat kundër virusit.
Ministri i Informacionit, Manal Abdel Samad tha se të gjitha hyrje-daljet në vend përfshirë kufijtë, aeroportet dhe portet do të mbyllen midis 18-29 mars.
Ai tha se vendimi nuk do të prekë stafin e OKB-së, misionet diplomatike dhe shërbimet e ngarkesave.
Ministria e Shëndetësisë tha se numri i rasteve të konfirmuara në vend është 99 ndërsa 3 persona kanë vdekur nga virusi.
