Manchester United ka marrë oferta nga klube të tjera në lidhje me shanset për të transferuar Mason Greenwood në një marrëveshje të përkohshme huazimi.
Greenwood u pezullua nga United mbi një vit më parë, kur u arrestua me dyshimin për përdhunim dhe sulm të dyshuar seksual ndërkohë që më vonë u lirua me kusht.
Ky pezullim ka mbetur në fuqi, përkundër faktit se akuzat u hoqën në fillim të shkurtit të këtij viti, pas tërheqjes së një dëshmitari kyç.
Sipas gazetarit të Daily Telegraph, Mike McGrath, klubet në Turqi dhe vende të tjera ku dritarja e transferimeve është ende e hapur, kanë folur me United për mundësinë e marrjes së tij në huazim.
Në Evropë, merkato në Norvegji, Islandë dhe Ishujt Faroe mbeten të hapura, ndërsa më larg nga Anglia, Koreja e Jugut, Japonia, Singapori dhe Nigeria kanë gjithashtu të hapura afatet kalimtare të merkatos.
