Kryeministrja e Serbisë, Ana Bërnabiq ka deklaruar para vizitës së këshilltarit të Departamentit të Shtetit, Derek Chollet në Beograd, se pret që SHBA-ja të përmbushë premtimin e saj për formimin e Asociacionit të komunave me shumicë serbe në Kosovë.
Sipas saj, kjo do të përbënte zbatimin e Marrëveshjes së Brukselit, shkruan Euronews Serbia.
“Nuk kam asnjë pritshmëri, as të mirë as të keqe. E vetmja gjë që është e rëndësishme dhe ajo që është në tryezë është premtimi i SHBA-ve për të filluar formimin e ZSO-së dhe kjo do të ishte mirë, do të ishte zbatimi i Marrëveshjes së Brukselit”, theksoi ajo.
Bërnabiq nënvizoi se sot në marrëdhëniet ndërkombëtare zbatohen standarde të dyfishta për sa i përket mosmarrëveshjeve territoriale.
