Çështja “Brezev” do të ndiqet deri në fund dhe do të ketë zgjidhje. Askush nuk është mbi ligjin dhe nuk ka të paprekshëm, tha sot ministri i Shëndetësisë Bekim Sali.
Sali njoftoi se aktualisht është duke u zhvilluar takim i ekipeve të ekspertëve nga Agjencia për Barna dhe Pajisje Mjekësore (MALMED) me përfaqësues të spitalit klinik “Zhan Mitrev” për të përcaktuar nëse testet e pacientëve që janë trajtuar atje kryhet në përputhje me rregulloret në fuqi.
Sipas ministrit, Inspektorati Shtetëror Sanitar Shëndetësor në tre vitet e fundit ka kryer 45 inspektime të rregullta dhe 52 inspektime të jashtëzakonshme në 12 institucione private shëndetësore. Detajet i bëri të ditur drejtoresha Irinka Sotirovska Buhova, e cila informoi se konkretisht në “Zhan Mitrev” janë kryer tre inspektime të rregullta dhe nëntë inspektime të jashtëzakonshme.
Sali gjithashtu shpjegi për metodën e hemofiltrimit, e cila, theksoi, përdoret në trajtimin e pacientëve në gjendje të rëndë, të vendosur në terapi intensive.
Sali tha se Ministria e Shëndetësisë mbetet e hapur për bashkëpunim për të gjitha institucionet.
