Trajneri i ekipit të Kosovës në xhudo ka bërë të ditur se janë nisur për kthim në vendlindje nga Lojërat Mesdhetare.
Kosova në këtë kampionat ka fituar pesë medalje në xhudo dhe një në boks, ku tri prej tyre janë të arta dhe tri të bronzta, ku njëra e bronztë është në boks, transmeton Klankosova.tv.
Medalje të artë në xhudo Kosovës i siguruan Distria Krasniqi, Laura Fazliu e Loriana Kuka, ndërsa të bronzta fituan Flaka Loxha dhe Akil Gjakova.
Kurse në sportin e boksit Shpejtim Bajoku fitoi të bronztën pas tri luftërave të zhvilluara.
