Kryeministri Dimitar Kovaçevski tha se kanë çasje deri tek propozimi francez për zgjidhjen e çështjes Shkup-Sofje, përcjell TV21. Kovaçevski tha se refuzon të komentojë propozimin para se i njëjti të miratohet në 26 shtetet anëtare të BE-së.
“Ndjekim zhvillimin e ngjarjeve në Republikën e Bullgarisë, nëse atje ky propozim miratohet, dhe pasi të miratohet, dhe kur të dorëzohet zyrtarisht në Republikën e Maqedonisë së Veriut, atëherë normalisht që do të jetë objekt i analizave në detaje, dhe do të shpërndahet me institucionet në shtet”, deklaroi mes tjerash Kovaçevski.
