Xavi Hernandez i ka treguar krerëve të klubit dëshirën e tij për krahun e majtë të mbrojtjes.
Barcelona është tash e sa kohë në kërkim të një mbrojtësi për krahun e majtë të mbrojtjes, i cili do të mbulonte hapësirat e Jordi Alba, i cili nuk ka akoma një zëvendësues të denjë.
Sipas raportimeve nga mediat spanjolle, Adria Pedrosa është i zgjedhuri i Xavi Hernandez, transmeton lajmi.net.
Pedrosa ka kontratë valide me Espanyol deri në vitin 2023.
Barcelona pritet të bëjë një lëvizje drejt tij gjatë merkatos së verës, për të siguruar kartonin e tij.
Emra si Nicolas Tagliafico dhe Alex Grimaldo përmenden po ashtu si alternativa të mundshme.
