Sipas te dhenave nga Regjisttrimi që sapo u publikuan, del se në 6 komunat e rajonit verilindor te Maqedonise se Veriut, eshte shenuar ulje e dukshme e numrit te banoreve te ketij rajoni. Dallimi është rreth 20 mijë banorë, krahasuar me Regjistrimin e parafundit. Në vitin 2002 ne kete rajon (qe perfshine Kumanoven, Likoven, Kratovë, Kriva Pallankë, Rankovce dhe “Staro Nagoriçane”) kishte 172.787, ndërsa tani 152.972 banorë.
Shifrat e shpalosura nga Enti Shteterore I Statistike (ESHR) tregojne se numri i banorëve në rajonin verilindor te Maqedonise se veriut është zvogëluar. Në Kumanovë eshte zvogluar për 7.380, kurse në Likovë rreth 5.500 banorë.
Edhe pse Kumanova mbetet komuna me numrin më të madh të banorëves sipas të dhënave të publikuara të ESHR’së nga regjistrimi i popullsisë në vitin 2021, sërish ka një rënie evidente.
Ne fakt, gjatë 20 vitet e fundit, numri i banorëve është ulur për 7.380, gjegjësisht nga 105.484 banorë, sot në Kumanovë jetojnë 98.104 banorë.
Lëvizje të theksuara demografike, vërehen edhe në komunën e Likovës, e cila nga regjistrimi i popullsisë në vitin 2002 e deri në të dhënat e fundit statistikore nga viti 2021, ka “humbur” 5.498 banorë. Kjo komunë tani ka 22.300 banorë, krahasuar me 27.058 banorë që kishte gjatë Regjistrimit të parafundit ne vitin 2002.
Në komunën e Kratovës janë të regjistruar 7.545 banorë ose 2.896 qytetarë më pak, prej të cilëve 6.961 maqedonas, 100 romë, 14 serbë, 8 shqiptarë etj.
Në Kriva Pallankë, para më pak se 20 vitesh, janë të regjistruar 2763 banorë dhe sipas të dhënave të fundit, kjo komunë ka 18.057 banorë. Prej tyre 16.675 janë maqedonas, 447 romë, 66 serbë, 7 shqiptarë, 2 boshnjakë.
Nga ana tjetër, komuna ‘Staro Nagoriçani’ ka 1.339 banorë më pak, gjegjesisht tani ka 3.501 banorë, ndërsa komuna e “Rankovcës”, ka më së paku ndryshime në strukturën demografike. Popullsia e kësaj komune është zvogëluar për 679 banorë, dhe sot ka 3465 banorë, prej të cilëve 3055 maqedonas, 143 romë dhe 14 serbë./Lajm
