Shoqata e Gazetarëve të Maqedonisë (ShGM) dënon sjelljen e nëpunësit shtetëror kundrejt gazetarit Afrim Jonuzi nga TV21 gjatë kohës së press konferencës së sotme në një shkollë të Shkupit.
Në pres konferencën e stome, e organizuar nga ana e ministrit të Arsimit dhe Shkencës dhe kryetarit të Komunës së Çairit me drejtorin e Shkollës Fillore “Kongresi i Manastirit” në komunën e Çairit, gazetari Afrim Jonuzi nga TV21 është penguar të kryejë detyrat profesionale, të incizojë inserte nga ana e personit Sherijat Shaqiri, i cili sipas rrëfimeve nga ana e kolegëve është i punësuar si bashkëpunëtor i ri për ndihmë operative në procesin e planifikimit strategjik në Ministrinë e Arsimit dhe Shkencës. ShGM ka kontaktuar me gazetarin e TV21 Afrim Jonuzi dhe ai në telefon na tha: “Pasi mbaroi pres konferenca, unë me kamerë doja të incizoj inserte të cilat do të më shërbenin për të bërë kronikë për lajmet dhe atëherë personi Sherijat Shaqiri më pengoi në punën time, më tha se unë nuk guxoj të incizoj, kush jam unë që të incizoj, dhe kështu””, qëndron mes tjerash në reagimin e ShGM-së.
Nga ShGM njoftojnë se kanë “kërkuar nga Ministria e Arsimit dhe Shkencës që të ngrit procedurë disiplinore kundër personit Shaqiri dhe publikisht të distancohet nga qasja e punëtorit të saj kundrejt punëtorit medial”.
