Për hetuesit, gruaja është “një mbështetëse e zjarrtë e ISIS-it”. E radikalizuar që në moshën 16-vjeçare, ajo kohët e fundit ishte shpërngulur nga Kosova në Milano, me vëllain e saj, duke qenë në kontakt të vazhdueshëm me bashkëshortin e saj dhe me diasporën kosovare të frymëzuar nga xhihadistët, raportojnë mediet italiane
E dyshuara përdorte pseudonimin “nusja pelegrine” apo në gjuhën origjinale arabe“Al Muhaxhirah”, sipas provave të mbledhura nga policia.
Gjithashtu nga celulari, u vërejt aktivitet për mbledhjen e fondeve për financimin e arratisjes së “motrave”, pra bashkëshorteve të luftëtarëve të ISIS-it, për të dalë nga kampi i burgut kurd në Rakka.
Hetimi nisi pas një raporti të inteligjencës në lidhje me bashkëshortin e vajzës, kosovarin 21-vjeçar i martuar me të arrestuaren janarin e kaluar, Kujtim Fejzullahun.
Sulmi në kryeqytetin austriak ndodhi më 4 nëntor 2020. Fejzullahu qëlloi me armë në disa pjesë të qytetit dhe vrau katër persona përpara se të vritej nga forcat austriake. /Lajmi.net/
