Ngjarja e rëndë ka ndodhur në një qytet të Rumanisë, në orët e para të mëngjesit sot, 11 nëntor.
Zjarri, i cili për fat të mirë u shua shpejt, shpërtheu rreth orës 02:00 të mëngjesit.
Mediet vendase njoftojnë se në spital trajtoheshin më shumë se 16.400 pacientë me Covid-19, midis tyre 310 fëmijë, ndërsa 1.823 ishin të intubuar.
Rumania është vendi i dytë me vaksinimin më të ulët në Bashkimin Evropian, ndërsa ka një nga nivelet më të larta të vdekshmërisë nga Covid-19 në botë, me rekord rastesh ditore të infektimeve.
Ky është zjarri i katërt që përfshin spitalet e vendit.
Në tetor, një zjarr vrau shtatë persona në njësinë e kujdesit intensiv të një spitali në qytetin lindor të Konstancës.
Në shkurt, një zjarr tjetër vrau katër pacientë në kryeqytetin, Bukuresht.
Ndërsa nëntorin e kaluar, 10 njerëz vdiqën nga një zjarr, që shpërtheu në një njësi të kujdesit intensiv në spitalin e qarkut Piatra Neamt.
Edhe para pandemisë, Rumania kishte një nga infrastrukturat më pak të zhvilluara të kujdesit shëndetësor të BE-së. Shteti ka ndërtuar vetëm një spital në tre dekadat e fundit.
