Sergio Busquets ka paralajmëruar se është kundër shtimit të më shumë garave në një kalendar tashmë të mbushur me kompeticione, duke thënë se do të vijë një moment kur lojtarët do të “shpërthejnë”.
Presidenti i FIFA-s, Gianni Infantino ka sugjeruar se ai është në favor të një propozimi për të mbajtur Kupën e Botës çdo dy vjet, një ide që është mbështetur edhe nga ish-menaxheri i Arsenalit, Arsene Wenger, i cili aktualisht është shefi i FIFA-s për zhvillimin global të futbollit.
Por mesfushori i Barcelonës dhe Spanjës Busquets ka thënë se ka vetëm kaq shumë gara që lojtarët do të jenë në gjendje t’i përballojnë fizikisht.
“Për Kupën e Botës çdo dy vjet, [lojtarët] kanë pak fjalë për atë [vendim],” tha Busquets në një konferencë për shtyp.
“Ne thjesht shohim se kalendari është bërë më i zënë dhe më i zënë, dhe ata nuk kujdesen për lojtarët.
“Ata duan më shumë Euro, më shumë Kupa Botërore, më shumë Kupa Botërore të klubeve, më shumë lojëra në ligë, më shumë lojëra për çdo garë.
“Do të ketë një moment kur lojtarët do të shpërthejnë sepse lojërat po bëhen gjithnjë e më shumë kërkuese dhe ne kemi më pak kohë për të pushuar.
“Pra, është kaq e vështirë për tu trajtuar siç kemi parë kohët e fundit me këtë pandemi, ku janë ndeshur disa gara të ndryshme.
“E gjithë kjo do të sjellë disa pasoja, kështu që do të ishte e nevojshme të kishim një takim dhe të dëgjonim të gjitha palët”, është shprehur Busquets.
Në maj, anëtarët e FIFA-s miratuan fillimin e një studimi të fizibilitetit që synon organizimin e Kupës së Botës çdo dy vjet pasi propozimi u paraqit nga Federata Saudite e Futbollit.
Infantino sugjeroi se ai është në favor të ndryshimit pas kongresit të FIFA-s në maj, duke thënë në një konferencë për shtyp: “Nuk keni nevojë të jeni një Ajnshtajn për të ditur që nëse keni Kupën e Botës çdo dy vjet, dyfishoni të ardhurat”.
“Ne duhet të hyjmë në këto studime me një mendje të hapur. Ne e dimë për vlerën e Kupës së Botës dhe ndikimin e Kupës së Botës.”
Presidenti i UEFA -s ndërkohë, Aleksander Ceferin ka shpehur “shqetësime të mëdha” në lidhje me këtë propozim të FIFA-s.
