Kërkesa erdhi nga avokati mbrojtës i ish-presidentit, Hashim Thaçi, Luka Mishetiq, kërkesë kjo e përkrahur edhe nga avokatët e tjerë mbrojtës gjatë konferencës për ecurinë e çështjes, e cila është duke u zhvilluar ende.
“Fjalë është për cilët dëshmitarë kërkon t’i thërrasë në gjykim dhe cilët nuk do t’i thërrasë. Kemi dëshmitarë për të cilët ZPS-ja ka marrë drejtpërdrejtë deklaratë dëshmitari dhe ma merr mendja se ata do të dëshmojnë, por ka edhe situata kur kemi marrë dëshmi në formë transkripti nga procese jashtë këtij institucioni, nuk është e qartë nëse këta janë dëshmitarë që do të dëshmojnë këtu, apo do t’i paraqes si prova pa dëshmuar këtu”, deklaroi Mishetiq.
Poashtu ai tha se do të donin të dinin nëse këta dëshmitarë do të thirren nga prokuroria për të dëshmuar apo jo.
“Ne kemi nevojë që të vendosim përparësi në përgatitjet tona, dhe këtë e bëjmë duke e ditur se cilët dëshmitarë do të dëshmojnë në sallë në këtë proces gjyqësor. Prandaj, kërkojmë që Prokuroria ta bëjë një listë për këtë qëllim”, tha avokati Mishetiq.
Avokati Mishetiq shtoi se do të donin të dinin nëse kjo listë do të bëhet gati para datës 2 gusht, që janë të sigurt se do të dëshmojnë në sallë, dhe një tjetër për të cilët nuk ka siguri që do të dëshmojnë në sallë.
Avokatët e tjerë mbështetën këtë kërkesë, e cila u refuzua nga prokuroria.
Prokurorja se kërkesa është “jashtë kontekstit”.
“Kjo kërkesë nga mbrojtja duket se është komplet jashtë kontekstit dhe pa pasur parasysh veçantitë e çështjes sonë gjyqësore”, tha ajo.
“Koncepti i listës paraprake të dëshmitarëve është një element që duket se mbrojtja duket se e ka marrë në një çështje të paraqitur para Gjykatës Penale Ndërkombëtare. Në atë rast është pranuar se kërkimi i një listë të tillë në raste të jashtëzakonshme. Ajo është kërkuar, në maj të vitit 2020, me kufizime shumë të rrepta. Kjo nuk është rrethanë të cilën e shohim në procesin tonë”, deklaroi prokurorja.
