Tha se kishte në plan të mbante tjetër fjalim, por shkrimi i sotëm i lideri të partisë nga ku vjen, BDI-së, Ali Ahmeti u bë shkas që të ndryshojë fjalimin me të cilin u paraqit në Forumin e Prespës për Dialog, zëvendëskryeministri i parë, Artan Grubi.
“Zotëri Ahmeti, i cili është i pranishëm këtu me ne ma ndërroi fjalimin. Ai tha, se 37 vjet nga dita e sotme ka qenë i detyruar që të ikë dhe të kërkojë azil në Zvicër dhe nuk e ka parë familjen më shumë se një dekadë, pasi e arrestuan dy herë si student nga shërbimi sekret Jugosllav”, tha Grubi, transmeton TV21.
Në sesionin për Marrëveshjen e Ohrit, foli për atë se ku ka qenë dhe ku është shteti sot.
“Ku jemi sot? Pyetem dhe habitem pse? Pse duhet të shpërfaqni interesin e kombit tuaj duke i bërë dëm të tjerëve. Nacionalizmi ka verbuar shumë prej nesh dhe shkaktoi dëm dhe luftëra dhe humbën dy dekada të jetës. Që të përballemi me atë verbëri të madhe, na u deshën të reshtohen shumë burra dhe gra dhe të thonë: Mjaftë. Aty iu desh ndihmë nga shtetet e forta. Ata ishin ata që u bë shkas të nënshkruhet Marrëveshja e Ohrit por edhe Marrëveshja e Prespës”, shtoi më tej ai./TV21
