Kryetari i komunës së Çairit, Visar Ganiu, shprehet i gatshëm të kandidojë edhe për mandatin e dytë në zgjedhjet lokale të tetorit. Këtë ai e ka bërë të ditur në një prononcim për gazetën LAJM, por ka shtuar se për një gjë tillë vendosin kryetari i BDI-së Ali Ahmeti dhe organet e partisë. “Normal që kam dëshirë të kandidoj për mandatin e dytë, por krejt kjo varet nga organet e partisë, nga lideri ynë dhe kuptohet se prej atje merret vendimi. Unë dua të kandidohem por duke respektuar ata që duhet të më japin besimin edhe një herë”, tha mes tjerash Visar Ganiu në prononcimin e tij për gazetën Lajm.
