Koment nga Zhurnal
Se në BDI-në e Ali Ahmetit po vlon nga pakënaqësia e anëtarëve të saj gjithandej vendit tanimë nuk është “sekret” publik. Pakënaqësitë brenda partiake nuk kanë të bëjnë fare me orientimin ideologjik dhe strategjik të partisë. Se pakënaqësitë janë për mospajtime kadrovike tanimë sheshazi i thonë edhe vet eksponentët e BDI-së. Ish-kryetari i Shkupit të vjetër, nënkryetari i BDI-së dhe i pari i kësaj partie në një nga bastionet e saj në Çair, Izet Mexhiti, është deklaruar hapur se nuk ka kurrfarë mërie me të parinë e partisë, madje ai në disa raste është parë krahë për krah me Ali Ahmetin gjatë përurimit të projekteve kapitale në zonat shqiptare të Shkupit, ku edhe Mexhiti gëzon mbështetje më të madhe, shkruan Zhurnal.mk.
SI ERDHI DERI TE PAKËNAQËSIA E DISA FUNKSIONARËVE TË LARTË BRENDA BDI-së?
Pakënaqësia e Mexhitit dhe disa figurave të larta të BDI-së, por jo vetëm, edhe shumicës së dëgëve të BDI-së u shfaqen pas zgjedhjeve të parakohshme parlamentare të korrikut të vitit të kaluar. Në ato zgjedhje Izet Mexhitin, Blerim Bexhetin dhe shumë funksionarë tjerë të lartë të BDI-së që janë të pakënaqur me emërimet kadrovike të partisë, mund ti takoje në çdo cep të zonave zgjedhore 1 dhe 2. Duke shfrytëzuar kredibilitetin dhe autoritetin e tij, Mexhiti ngjitej edhe në fshatrat më të mëdha të Karshiakës, Sarajit e Karadakut të Kumanovës vetëm e vetëm që të sigurojë edhe një Triumf kapital për BDI-në dhe Ali Ahmetin. Me gjitha kritikat dhe pakënaqësitë në popull ndaj BDI-së, grupi I funksionarëve të lartë të BDI-së që sot kërkojnë shkarkimin e Grubit nga postet pa djerrës, arritën që të sigurojnë pes deputet për BDI-në në zonën 1 dhe 2.
Por i gjithë ky mund u përbaltë me emërimin e Artan Grubit dy poste të rëndësishme në ekzekutiv, pas kontraktimit të Marrëveshjes së koalicionit mes BDI-së dhe LSDM-së. Artan Grubi u emërua zëvendëskryeministër i parë, pra në pozitën kur nuk është Zaevi, është ai kryeministër dhe në pozitën e ministrit për Sistem Politik dhe Marrëdhënie mes bashkësive etnike. Por a thua si ndjehet Grubi në këtë post pa meritë elektorale?! Mirëpo, pas këtyre emërimeve në vend që Grubi t’ia zbardhë fytyrën Ali Ahmetit me ndihmën e së cilit erdhi në këto poste, ai u tregua I dobët në udhëheqje dhe nga këtu edhe kulminuan pakënaqësitë brenda partiake. Bashkëpartiakët e tij nisën ti kërkojnë llogari për qeverisjen, ndërsa Izet Mexhiti doli edhe publikisht për të kërkuar llogari nga Grubi. Ai e pyeti se çfarë bënë përveç se fotografohesh nëpër zyrat e Qeverisë së Maqedonisë? Por Grubi nuk iu përgjigj publikisht. Tha se do I përgjigjet me shkrim, por Mexhiti thotë se ende nuk ka marrë një përgjigje as me shkrim.
Tanimë kur pakënaqësitë kanë shpërthyer hapur, për hirrë të interesit të përgjithshëm, demokracisë, por edhe edhe të vet selisë “blu”, Artan Grubi duhet të reflektojë dhe ta pranojë si të mirëqenë largimin e tij nga pozitat shtetërore. Nisur nga premisa e Grubit se ai është shërbëtor i Ali Ahmetit, atëherë për mos ta vënë në siklet atë, Grubi duhet të reflektojë, shkruan Zhurnal.mk.
GRUBI HERO!
Me këtë gjestë Artan Grubi, jo vetëm që do ti akumulonte pakënaqësitë brendapartiake por edhe do të shëndrroheshte në një figur unike politike duke u tërhequr nga postet shtetërore të cilat i mbanë pa mund, djerës dhe kontribut në zgjedhje, ashtu siç deklarojnë bashkëpartiakët e tij. Në këtë mënyrë Grubi jo vetëm që do ti amortizonte pakënaqësitë e brendshme partiake, por të krijonte simpati edhe më të madhe brenda strukturave partiake, dhe pse jo do të dilte edhe me I fituar. Tani figurat e shahut janë në dorën e Ali Ahmetit, e do një BDI të 20 viteve të ardhshme ashtu siç e proklamon Grubi, pa Grubin, e me shumë miq, apo një BDI me Grubin e pa miqtë e vjetër. Nëse Artani nuk reflekton Ali Ahmeti duhet të veprojë! E nëse Ali Ahmeti nuk vepron, as Artani s’reflekton, atëherë BDI-në e pret fati I LDK-së së Isa Mustafës.
