Zëvendëskryeministri për Çështje Ekonomike, Fatmir Bytyqi nëpërmjet rrjetit social Facebook, bëri të ditur se pakoja e pestë ekonomike do të publikohet së shpejti, transmeton TV21.
Ai shtoi se janë precizuar të gjitha detajet dhe se pakoja e pestë do t’u përgjigjet nevojave të qytetarëve.
“Sot bashkë me ministrat Besimi dhe Bekteshi, mbajtëm edhe një takim konsultativ për paketën e pestë të masave me odat, pjesë e Platformës për dialog publik-privat si dhe odat bilaterale në vend.
I precizuam detajet nga paketa e pestë e masave dhe i njëjti do të publikohet së shpejti, pra kjo do t’u përgjigjet nevojave momentale të ekonomisë dhe qytetarëve”, shkruan Bytyqi në Facebook.
