Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës sot ka informuar se gjatë 24 orëve të fundit kanë vdekur 24 persona që kanë qenë të prekur me Covid-19, ndërsa janë konfirmuar edhe 890 raste të reja me Covid-19.
“Sot janë shëruar 1.712 qytetarë, derisa numri i përgjithshëm i të shëruarve është 123.852. Në total numri i rasteve aktive është 26.688.”, ka informuar ministria.
Sipas MSh-së, në 24 orët e fundit janë dhënë 19.526 doza të vaksinës kundër COVID-19, ndërsa prej fillimit të vaksinimit në të gjitha qytetet e Kosovës janë dhënë 922.623 doza të vaksinës.
Deri më sot 307.467 qytetarë janë vaksinuar me dozën e dytë./
