Edhe gjatë këtyre ditëve është vërejtur interesim i madh nga qytetarët në veri të Mitrovicës, për riregjistrimin e automjeteve me targa ilegale serbe në ato RKS-Republika e Kosovës.
Që nga 1 nëntori e deri më sot, 2 mijë e 752 qytetar në katër komunat veriore kanë aplikuar për targat nga ilegale në ato legale.
Vetëm gjatë ditës së djeshme kanë aplikuar për targa 143 qytetar.
Ndryshe, Qeveria e Kosovës më 30 tetor vendosi për shtyrjen e afatit për riregjistrimin e automjeteve me targa ilegale serbe në ato RKS – Republika e Kosovës.
Sipas vendimit të Qeverisë, afati për riregjistrimin e makinave me targa serbe sikurse “PR”, “KM”, “PZ” e të ngjashme do të jetë deri më 1 dhjetor.
