Kryetari i Komisionit Shtetëror të Zgjedhjeve, Aleksandar Dashtevski ka qenë mysafir në “10 minuta” në TV21.
Ka bërë të ditur që zgjedhjet e dyfishta në Maqedoninë e Veriut, do të kushtojnë 17 milionë euro. Dashtevski tha se kanë kërkuar më shumë, por megjithatë edhe kjo vlerë do të jetë e mjaftueshme.
“Sa do t’u kushtojnë qytetarëve këto zgjedhje?
Pa u arsyetuar, mendoj se shuma totale duhet të jetë 17 milionë euro në kundërvlerë denarësh. Megjithatë, ato nuk janë transferuar të gjitha. Një pjesë e mjeteve për media janë transferuar për qëllim tjetër, të cilat më vonë duhet të shtohen në këtë shumë. Ato mjete duhet të jenë rreth 10 milionë, kurse të tjerash rreth 7 milionë. Ne kërkuam më shumë, megjithatë ndërkohë janë paraqitur nevoja në më shumë vende, megjithatë konsideroj se kjo vlerë do të jetë e mjaftueshme duke e pasur parasysh planin që e kemi bërë që t’i realizojmë zgjedhjet dhe marrë parasysh se këto zgjedhje janë të dyfishta – presidenciale dhe parlamentare”, tha Dashtevski.
