ersona të armatosur të paidentifikuar hapën zjarr në një bar në Meksikën qendrore, duke vrarë 10 persona, thanë zyrtarët, në shpërthimin e fundit të dhunës që goditi vendin.
“Duket se ishte një sulm i drejtpërdrejtë”, tha një zyrtar i policisë nga qyteti Tarimoro në shtetin Guanajuato, që është tronditur vitet e fundit nga luftërat e egra midis bandave rivale të drogës.
Zyrtari, i cili foli në kushte anonimiteti, tha se 10 viktimat në sulmin e së mërkurës ishin meshkuj dhe se nuk ishte bërë asnjë arrestim.
Një zyrtar i qeverisë shtetërore tha se nëntë nga burrat u vranë në vendngjarje, derisa një tjetër vdiq nga plagët e tij pasi u dërgua në spital.
Duke e quajtur ngjarjen si një “sulm frikacak”, guvernatori i Guanajuato, Diego Sinhue Rodriguez në Twitter shprehu ngushëllimet e tij për familjet e viktimave.