Gjashtë njerëz janë vrarë nga të shtënat në një spital universitar në Ostravë të Republikës së Çekisë, kanë njoftuar autoritetet lokale. Policia u vu menjëherë në kërkim të autorit të krimit, dhe më pas njoftoi se personi i dyshuar kishte qëlluar vetën në kokë, në një makinë, derisa policia po kryente operacionin kundër tij. Sipas raportimeve, të shtënat kanë ndodhur në një klinikë traumatologjike. I gjithë spitali është evakuuar. Kryeministri i Çekisë, Andrej Babis e quajti incidentin si tragjik. Ostrava është një qytet industrial në lindje të Çekisë, afër kufirit me Poloninë.
