Mëngjesin e sotëm në Qendrën Klinike-Spitalore Dragisa Misovic në Beograd ka ndërruar jetë nga koronvairusi, Dragoslav Kosmajac.
Ai njihet si i dyshuar për vite me radhë për trafik droge, por asnjëherë nuk është dënuar në Serbi për këtë krim.
Kosmajac ka qenë në spital që nga fundi i muajit mars dhe ka shfaqur gjendje jo të mirë shëndetësore për shkak të pandemisë.
Ai u bë i njohur për Sërbinë kur kryeministri i Serbisë në 2014, Aleksandar Vucic e quajti “tregtarin më të madh të drogës” dhe kërkoi arrestimin e tij.
Akuzat ndaj tij nuk u vërtetuan megjithëse u arrestua dhe pasuria iu konfiskua përkohësisht. Nuk pati prova për përfshirje në trafikun e drogës ndërsa akuza e vetme që rëndoi mbi të ishte ajo e evazionit fiskal.
Vucic, asokohe Kryeministër i Serbisë, vijoi me akuzat kur tha në një intervistë që i dha KRIK-ut në vitin 2016 se hetimi ndaj Dragoslav Kosmajac dështoi sepse individët që e morën përsipër çështjen, “punuan me Kosmajac”.
E kaluara kriminale
Një numër i akuzave penale u ngritën kundër Kosmajacit deri në vitin 2000, kryesisht për armëmbajtje pa leje. Ai u dënua dy herë në vitet 1970 dhe vuajti të dy dënimet.
Dosja e Kosmajac e MPB-së për Krimin e Organizuar 2001 u hartua si një nga trafikantët kryesorë të drogës. Siç shkruan, ai është “i lidhur me kontrabandistët ndërkombëtarë të drogës në Amerikën e Jugut, nga ku aranzhon që sasi të mëdha të kokainës të transportohen në Evropë”, por gjithashtu merret me trafikimin e heroinës nga Turqia, Bullgaria dhe Maqedonia në Evropë.
Ai furnizoi drogë për Ljubisa Buha Chumet dhe Dusan Spasojevic, ish udhëheqësit e grupeve më të fuqishme kriminale – Clan Surcin dhe Zemun, siç thuhet në të. Dy ish anëtarët e bandës Zemun – Dejan Milenkovic Bagzi dhe Aleksandar Simovic – dëshmuan për këtë në gjykatë.
Kosmajac ishte gjithashtu afër Bojan Stanojkovic, i njohur si Boki, i cili u akuzua për kontrabandë kokainë me Darko Sariç. Në vitin 2015, Stanojkovic u lirua nga kontrabanda e kokainës, por vazhdoi të gjykohej për pastrim parash me Saric.
Një nga bashkëpunëtorët e Kosmajcit që jeton në Vjenë, Milutin Markovi aka Puta, mbeti në kontakt me Ivica Toncev, këshilltarin e Ivica Daçiç.
