Senati amerikan mbrëmë njëzëri miratoi 484 miliardë dollarë ndihmë shtesë për kompanitë amerikane dhe spitalet për luftë kundër virusit korona.
Pritet që nesër Dhoma e Përfaqësuesve të Kongresit amerikan të votojë për propozim-ligjin. Nëse i njëjti miratohet, ky do të jetë ligji i katërt në SHBA si përgjigje për pandeminë.
Të gjitha katër ligjet parashohin ndihmë në vlerë prej rreth tri bilionë dollarë. Presidenti amerikan Donald Tramp i bëri thirrje Kongresit që ta miratojë masën.
Propozim-ligji i miratuar nga Senati parasheh 321 miliardë ndihmë për programin për hua për firmat e vogla, 60 miliardë dollarë për programin borxhe gjatë katastrofave të jashtëzakonshme, si dhe 75 miliardë dollarë për spitalet dhe 25 miliardë dollarë për testim të Kovid-19 në nivel nacional.
