Ish presidenti francez Nikolla Sarkozi sot do të paraqitet para gjykatës nën akuzën për korrupsion dhe keqpërdorim të ndikimit.
“Gardijan” transmeton se ky është rasti i parë gjyqësor nga disa hetime që udhëhiqen kundër këtij politikani djathtist, i cili ishte në krye të Francës në periudhën e viteve 2007-2012 dhe tani për herë të parë do të paraqitet para gjykatës pas përpjekjeve prej shumë viteve të hidhen poshtë ose asgjësohen akuzat.
Në rastin e njohur si “skandal me përgjimin”, prokuroria kumtoi se Sarkozi dhe avokati i tij Tieri Hercog kanë bërë përpjekje ta korruptojnë gjykatësin Zhilber Aziber t’u dorëzojë informata të fshehta për hetimi i veçantë kundër këtij ish lideri francez. Sarkozi është akuzuar se gjykatësit Aziber i ka ofruar t’i sigurojë vend pune të këndshme në bregun e Azurit.
Sarkozi gjenden para serisë së akuzave, nga ajo se ka marrë mjete ilegale nga lideri i vrarë libian Moamer el-Gadafi për financim të fushatës së tij, deri te marrja e gjoja ryshfetit nga shitja e armëve në Pakistan.