Sipas raportit javor të Institutit të Shëndetit Publik për periudhën nga 23 deri më 29 nëntor numri i rasteve të reja është zvogëluar. Janë testuar gjithsej 18,767 materiale që është 4.6% më pak se javën e kaluar. Janë regjistruar 6.745 raste të reja pozitive nga 35 qytete në vend me një rënie prej 9.9% krahasuar me javën e kaluar. Shumica e rasteve të regjistruara janë nga Shkupi. Përqindja e testeve pozitive në periudhën e përmendur është 35.9%.
Pas marrjes së 2 testeve negative, si të shëruar janë evidentuar 5,930 persona që kanë qenë të hospitalizuar apo janë trajtuar në shtëpi, që është 16.3% më shumë krahasuar me javën e kaluar. Janë raportuar 206 vdekje nga 25 qytete, një rënie e lehtë prej 1% krahasuar me javën e kaluar.
