“Ne vlerësojmë se ka laboratorë të shumtë brenda Kinës që po vazhdojnë të punojnë, me patogjenet ngjitëse”, tha Pompeo në një konference për shtyp në Departamentin e Shtetit.
“Ne nuk e dimë nëse ata po punojnë me një nivel të sigurisë për të parandaluar që kjo (pandemia e coronavirusit) të ndodhë përsëri. Mos harroni kjo nuk është hera e parë që ne kemi pasur një virus të dalë nga Kina”, tha Pompeo.
Coronavirusi i ri u paraqit për herë të parë në Kinë, në fund të vitit të kaluar dhe shumë shpejt u shpërnda në të gjithë botën.
Më 19 prill, presidenti i Shteteve të Bashkuara, Donald Trump, ka paralajmëruar Kinën se mund të përballet me pasoja, nëse ishte “me vetëdije përgjegjëse” për përhapjen e coronavirusit.
“Ka mundur të ndalet në Kinë para se të fillojë përhapjen, e gjithë bota po vuan për shkak të kësaj”, ka thënë Trump para gazetarëve në Shtëpinë e Bardhë.
