Festivali i Këngës Evropiane “Eurovision” është anuluar për shkak të koronavirusit.
Kjo gjë u bë e ditur përmes faqes zyrtare të “Eurovisionit” në Facebook, ndërsa vendimi është marrë në bashkëpunim me EBU-në.
Në njoftim thuhet se gjatë këtyre javëve është tentuar që në gjendet një alternativë për të vazhduar festivali, por nuk u arrit një gjë e tillë.
Përhapja e koronavirusit në Evropë, ka bërë që të merret një vendim i tillë nga organizatorët.
Festivali “Eurovision” do të mbahet më 2021, ndërsa nikoqir do të jetë Rotterdami, ashtu siç ishte planifikuar për këtë vit.
