Osmani nëpërmjet një postimi në Facebook është shprehur se është pro reciprocitetit me Serbinë.
Mirëpo ajo është shprehur se për vendosjen dhe kohen e vendosjes së reciprocitetit duhet të bëhet studim, meqë involvon edhe akterë dhe institucione të tjera.
Ky është postimi i plotë:
Një sqarim rreth temës së reciprocitetit, edhe pse tash e sa muaj, përfshirë sot, kam qenë më se e qartë: Nuk kam asnjë dilemë që tarifa duhet të zëvendësohet me reciprocitet. Të tri deklaratat e mia para mediave sot, të përcjellura në tërësi, e tregojnë këtë. Këtë e kemi vendim të përbashkët të koalicionit tonë qeverisës i cili është përfshirë në programin e bashkë-qeverisjes. Në pyetjen se kur duhet të bëhet ky zëvendësim, përgjigja ime ishte që kjo (pra koha e saktë e zëvendësimit) kërkon studim, meqë involvon shumë akterë e institucione të tjera.
