Të paktën 32 mijë punonjës të arsimit dhe shkencës nga 1 janari do të kenë rroga më të larta për 10 për qind, shkruan gazeta LAJM.
Marrëveshja u firmos sot në Qeveri mes Sindikatës së pavarur për arsim, shkencë dhe kulturë (SASHK) dhe ministrisë së Arsimit dhe Shkencës.
Paga më të larta do të marrin rreth 20.000 të punësuar në arsimin fillor, 8.000 në atë të mesëm, 4.500 në arsimin e lartë dhe 220 të punësuar në institucionet shkencore.
Ministri Arbër Ademi, tha se në këtë mënyrë përmirësohet statusi material i të punësuarve në arsim.
Nga SASHK-u u shprehën të kënaqur me firmosjen e marrëveshjes për rritjen e pagave./Gazeta LAJM
