Në mbarë vendin gjatë ditës do të mbizotërojë mot me diell me vranësira të vogla deri në mesatare. Nëpër fushëgropa paradite do të mbajë mot me vranësira dhe me mjegull.
Temperatura e mëngjesit do të lëvizë prej minus dy deri në një gradë Celsius, ndërsa temperatura e ditës do të lëvizë prej gjashtë deri në 14 gradë Celsius.
Në Shkup do të mbajë mot me diell me vranësira të vogla deri në mesatare. Temperatura e mëngjesit do të arrijë deri në zero, ndërsa e ditës deri në gjashtë gradë Celsius.
Gjatë ditëve në vijim do të mbajë mot stabil dhe kryesisht i qetë, nëpër fushëgropa të caktuara me paraqitjen e mjegullës dhe me vranësira të dobëta, veçanërisht në pjesën e paradites dhe të mbrëmjes. Deri të premten në male dhe në vendet më të larta do të mbizotërojë mot me diell dhe relativisht i ngrohtë, ndërsa mot me erë pritet nga e diela.