Macron: Nuk i mbyllim kufijtë me Italinë, së bashku kundër COVID-19

epa08178598 French President Emmanuel Macron delivers his speech after visiting the SAFT factory, a French company specializing in the production of batteries, in Nersac, Southwestern France, 30 January 2020. The pilot site combines knowledge make Saft and PSA to develop a battery production activity in Europe for electric vehicles. EPA-EFE/CAROLINE BLUMBERG

Ky samit Itali-Francë përfaqëson një hap cilësor, veçanërisht në fushën ekonomike, deklaroi kryeministri italian, Giuseppe Conte në fund të samitit me presidentin francez Emmanuel Macron në Napoli.

Italia dhe Franca po punojnë ngushtë së bashku për t’u marrë me urgjencën prej virusit COVID-19 për të mbrojtur qytetarët e tyre dhe të gjithë qytetarët europianë, bënë të ditur autoritetet e dy vendeve.

”Të dy vendet mbështesin nevojën për një pozicion të përbashkët europian për të trajtuar sfidën globale”, shkruhej në draftin e deklaratës përfundimtare të samitit ndërqeveritar Itali-Francë.

”Jo! Nuk do t’i mbyllim kufijtë me Italinë’’, ishte përgjigjja e presidenti francez Emmanuel Macron në përgjigje të pyetjeve të gazetarëve nëse Franca planifikonte të bllokonte kufijtë me Italinë, siç u kërkua nga Marine Le Pen.