Kryeministri i Kosovës, Albin Kurti ka vijuar edhe gjatë ditës së sotme takimet me diplomatët.
Në zyrën e tij ka shkuar edhe ambasadori italian Nicola Orlando, ndërsa përpos Kurtit në takim ka qenë edhe ministri i Punëve të Brendshëm dhe Administratës Publike, Agim Veliu.
Kurti gjatë këtij takimi e falënderoi ambasadorin italian për mbështetjen që vendi i tij i ka dhënë shtetit të Kosovës.
Megjithatë, nuk ka pasur deklarata për media pas këtij takimi.
Ndryshe ditë më parë, Orlando e kishte uruar Kurtin pas marrjes së detyrës si kryeministër duke thënë Italia pret me padurim për të bashkëpunuar me institucionet e reja të Kosovës.
