Kryetari i Vetëvendosjes Ablin Kurti, ka zbuluar se emrin e këshilltarit të presidentit të Kosovës, Hashim Thaçit dhe bashkëpunuesit të vet, ku sipas tij, këta të dy paskan pasur një bisede, e ku këshilltari i Thaçit i tregoi bashkëpuntorit të Kurtit lidhur me planin e marrëveshjes në Uashington në mes të Kosovës dhe Serbisë, gjatë kohës sa Kurti ishte kryeministër.
Bëhet fjalë për këshilltarin e Thaçit, Ardian Arifaj dhe ish-ministrit të shëndetësisë, Arben Vitia. Ky i fundit mori vesh nga Arifaj planin e marrëveshjes në mes të Kosovës dhe Serbisë, e cila mund të realizohej gjatë administratës së Kurtit. E për të cilën marrëveshje, Kurti tha se ishte plan i “thikave mbi hartën e Kosovës”.
“Një takim disa ditë para takimit me presidentin Thaçi, këshilltari i tij Ardian Arifaj, ka takuar ministrin e shëndetësisë, Arben Vitinë dhe i ka thënë “Hajde ta kryejmë këtë punë sepse edhe Vetëvendosjes i bjen mirë, sepse po bëjme bashkim kombëtar””, është shprehur Kurti në Desk.
Tutje, ai tregoi se çka u bisedua në takimin e tij me presidentin Thaçi.
“Thaçi më tha “Në Uashington shkojmë për marrëveshje. Unë e pyeta a s’po shkojmë për dialog? E ai më tha, po çfarë dialogu, ne shkojmë për marrëveshje. E kur unë e pyeta për cfarë marrëveshje bëhet fjalë, ai më tha se “Po të më lejonte shoqja yte (Vjosa Osmani) të raportoja në Kuvend, do t’iu tregoja aty””, ka thënë Kurti.
