Partnerët e koalicionit qeverisës të Kroacisë sot do të bisedojnë për datën e zgjedhjeve të ardhshme dhe shpërndarjen e parlamentit, gjë që mund të ndodhë të hënën, shkruajnë mediat kroate.
Edhe pse 22 maji u përmend si data më e mundshme për shpërndarjen e Parlamentit, disa ditë më parë u paraqitën informacione se Parlamenti mund të shpërndahet të hënën më 18 maj.
Kryetari i Klubit HDZ, Branko Baçiq, dje deklaroi se është i sigurt që për shpërbërjen e Parlamentit, kur do të vendoset për këtë, do të ketë 80 vota të deputetëve.
Kryetari i Parlamentit kroat, Gordan Jandrokoviq të mërkurën deklaroi se ende nuk ishte marrë asnjë vendim për shpërndarjen e parlamentit, por nuk e përjashtoi mundësinë që kjo të mund të ndodhë javën tjetër.
Ai shtoi se gjithçka varet nga gjendja epidemiologjike.
